今年年三十晚，媽咪自己整左兩個盆菜，一個俾左二舅父屋企，食完盆菜用媽準備好既碌柚葉水沖涼，再食完湯圓，好早就瞓左！ 媽咪做既盆菜好吃比起咁多年出面買番來既都好！而且都係心機同時間！沖涼之前Sparkie都係同舊時一樣要我用碌柚葉既水幫佢抹身，我自己沖涼既時侯，諗返細路過年既時侯，總係好忙好假，年初一至三就好似係親戚比較大會咁！

相比起來，因為疫情關係，今年唔需要應酬一些無謂人簡簡單單清潔房間，同父母食餐飯，用碌柚葉煲既水沖涼，食碗湯圓一早就瞓左，反而咁樣過得更自在同溫馨，唔使年年都俾啲平日唔多見，我去左英國十幾年都冇咩連絡既人來屋企搞搞震，講埋啲野賤賤格格，刻刻薄薄搞到過親年屋企都唔安寧！

年初一，早上六點幾起身，同父母食完早餐，我就約左朋友一齊去攞我一早訂左既紅色Switch，跟住一齊打機食Lunch，今年初一出街既人以似真係少左人，人肉流動揮春都少左，或者可能我太早出街啦！