近期都忙了沒有時間寫blog，早前發神經地去聯絡一個好耐冇見既朋友，冷淡既回應都係意料中事，只能夠怪自己多事關心人地呢？！

雖然因為咁有少少唔開心，不過都唔係一件壞事，畢竟我早就知道呢位朋友就是一個點樣既人，只係唔想去相信自己對佢既睇法，而家得到認證都唔係一件壞事啊， 人生唔同階段就會認識到唔同既人，唔係每個人都可以做得成朋友嘅，尤其係對於生存理念唔相同既人！

當然人係會改變嘅，就係同時間我有另一位朋友，變得成熟同有人情味咗，佢學識關心其他人，唔再係只為了自己要怎樣既生活而生存著，學識珍惜人與人之間既關係，真係使我另眼相看！

雖然呢個新年仲係俾疫情籠罩住，但係日日都仲可以對住爸媽，兩隻怪獸同靚女美伊利沙伯，每個星期都有幾日同啲真係好嘅朋友短聚下或網上打機，又會見下cello 老師，其實時間都唔夠用！但正正係一個咁樣嘅世界，有可以傾得到計嘅朋友真係好重要，喺度我要真心多謝佢哋！🙏🏼🙏🏼🙏🏼