近期因為友人A既關係所以參加咗個樂團，尋晚排練真係精彩，係一個Cello聲部裡面，同一份琴譜，有三個唔同既拍子同音準！

同樣既事上星期已經發生左，但當日太忙冇食嘢，係又肚餓又攰嘅情況之下真係集中唔到！

所以呢個禮拜我死都食飽先至去，集中去管理自己嘅音準，跟着指揮嘅拍子，就引發左我左邊嘅Cello跟我入既拍子，但當要停嘅時候就拉多咗，而後面後面嘅兩個Cello，就時常因為聽我而遲左入，再加上琴弦上得唔好，不斷走音！有好幾次我都以為係自己嘅問題，所以細心左去留意自己嘅音準！

完左呢個多鐘頭既旅程，我個腦好似乾塘一樣同非常肚餓！ 咁樣拉琴真係要好習中，同時間亦都要調節自己嘅心態，肯定嘅時候就肯定，唔好猶豫不決！最難既係要知道別人錯了，但不要受對方影響，真係唔簡單！

所以拉樂團的確係另一種學習 ！