上星期去樂團，撞到個好耐之前識嘅人類，佢問我點解唔覆佢Line上面既message，我先至發現原來係Line上面delete咗嘅朋友，係唔知道我delete咗佢嘅，而我亦都唔會收到被delete朋友既message。

我一直以為如果對方send message俾我我係會收到再加朋友之類嘅提示，原來係冇㗎😅！跟住朋友問我點解要delete佢，我好直接咁同佢通常一年冇聯絡嘅人我都會delete，尤其係嗰種我send咗message俾佢，佢又唔覆你message，好似冇晒聯絡咁，但過一輪有日佢無聊或有事之際就特然send啲message俾你果類，我真係好討厭！你喺街問路，問完都講聲唔該啦，無聲無息就咁行開真係連最基本嘅禮貌都冇，呢類人唔可以叫朋友掛？！

而呢位人兄正正就係呢種人，我覺得冇必要講大話，所以好直接咁答咗佢，跟住好禮貌地同佢講如果你真係有事搵我既話，你可以delete咗我個Account再重新加過就可以message我！其實我delete啲人，冇咩惡意，只係唔想自己唔開心，因為真係好怕同人講完嘢之後冇回覆嘅嗰種感覺，影響自己情緒真係冇咩必要！敬請原諒喔🙇🏻‍♂️🙇🏻‍♂️🙇🏻‍♂️