尋日同佢朋友飲咖啡，傾開佢學琴既經歷，朋友近期一年冇再學琴，因為覺得太貴，而且進度好慢，傾完之後我覺得朋友都有問題，進步慢係因為老師同佢一齊鬥Hea，不過最令我覺得驚訝嘅係，佢位老師幫佢買部成千蚊嘅電子拍子機，而淨係個專用火牛都要幾百蚊！一個初學弦樂既學生，連一次考試都未考過，都只係拉緊三級嘅作品，點解需要一部成千蚊嘅電子拍子機呢？跟住我問朋友，數拍子有冇進步，朋友嘅回答係「無！」，佢話佢好耐都冇用過呢部成千蚊嘅電子拍子機，就算平時貪得意攞部琴出嚟玩要數拍子都只係用部$200左右嘅tuner連拍子機🤣就算！

其實就好似我之前買琴既時侯咁一樣，我記得有個指揮問我點解買琴一定要連貴琴箱而唔可以選擇一個平㗎呢？我話當時果個學院既老師話：「因為琴已經平左俾我，所以琴箱唔可以選擇平嗰啲窩。」依家諗返呢個理由真係有啲勉強，而當時我只係諗住大家係朋友俾錢佢賺冇咩所謂，但當部琴有事呢位學院老師都唔想幫負責去整，仲要叫我用來考左兩次試，而且每樣野都同利益有關，後來佢仲要FB都unfriend左我！依家諗返真係笑死我，我當時真係好天真當呢個人係朋友同音樂家，而家諗返其實就只係一個生意人慣常嘅伎倆😂！

所以請不要email問我叫人用成千蚊既電子拍子機既人係邊位老師，因為佢地呢個圈子太窄，我唔想多是非！好大可能我之前就係溜口風，所以惹來俾人unfriend左！😅