樂團開始排練，我將一啲排練用嘅琴譜WhatsApp左比一個朋友，朋友好似好有興趣咁，但同時間又好多原因令佢好似遷就唔到時間，不過我睇嚟就只係一個原因，就係對於拉琴熱誠程度不足夠！

就好似一對情侶嘅關係咁樣，其中一方將S兩棟睇得太大嘅時候，跟本好難走埋一齊，因為佢對於兩個人喺埋一齊嘅熱誠度唔足夠，而呢種熱誠不足會使你對一個人嘅喜惡都唔太清楚，咁樣喺埋一齊邊會有幸福嫁！

然而呢啲嘢其實冇乜啱與唔啱嘅，都係自己既選擇，就好似朋友咁咪唔好羨慕人哋一班人拉琴嘅嗰種開心囉，凡事都係要付出嘅！就好似有啲窮得只有錢嘅人咁樣，可能一生都唔會有人真正同佢交心，就算以為有其實都係自High! 呢種人係我人生裡面我真係見唔少！