近期DxN出咗對炒到10萬蚊既波鞋，一位小朋友，佢為咗可以跑快啲返學所以佢買咗呢一對10萬蚊嘅波鞋，佢話就算到最後讀書唔成，都可以着住呢對波鞋去送外賣呀！驟眼咁睇呢個故事好似好夾硬嚟，但係現實真係有咁樣嘅事情發生，話說我有一位朋友佢好鍾意車，佢因為返工嘅關係所以佢用咗幾十萬來去供一㗎客貨Van，原因係交通費可以平啲同時間可以穩定啲，再加上有一日冇工開既話做都可以用呢啲㗎貨Van來去做貨運！

問題來啦，小朋友唔買波鞋跑唔到返到學咩？冇呢對10萬蚊嘅波鞋就送唔到外賣？！🤣同樣我呢位朋友冇車既話會返唔到工嗎？唔供車做唔到貨運咩？

呢位朋友既買車事件令我諗起有另一個我認識嘅人，呢個人同自己鍾意嘅人有拗撬就去咗買樓減壓一樣而唔係同鍾意嘅人一齊去解決問題，講出來好似有佢既道理咁，但其實只係達到自我感覺良好或者係自high既一種表現！

對我話來講係一個好好嘅借鏡，提醒我做事要嘗試用其他人既角度睇吓自己係咪真係咁合情合理，而唔係一廂情願咁去討好自己！認真咁樣去批判自己，而唔好自欺欺人，因為用咁樣嘅態度生存就算自己點樣說服自己講唔會後悔其實都係呃緊自己到離開呢個世界既時候都係會後悔！😂