因為多咗人留係屋企，拍YouTube既人都多左，本身唔係一件壞事，但可能多咗人拍片，我發覺嘩眾取寵既YouTuber越來越多，我本來好喜歡睇一位攝影界出版人既YouTube Channel，而且都有讀佢出版既書本雜誌，亦從佢既書本上面學識好多攝影既概念，可能佢係技術上已經到咗樽頸位，冇咩攝影上嘅技巧可以再分享，佢返而選擇咗用嘩眾取寵嘅方式來去介紹新嘅相機，好明顯地對於一啲有邀請佢試機嘅品牌，佢會大贊對方，我覺得無可厚非，但同時間我就唔係好認同佢只係引用網上言論來去踩低一啲冇邀請佢嘅品牌啦！講真呢啲咁嘅短片真係冇乜營養價值。

亦因為咁，我本來都有諗過去跟佢上堂學習攝影，但我覺得學咩野都好啦，跟一位老師學習唔單單只為技術或者學問，老師既品格都係非常之重要！所以我打消左跟這位前輩學影相既諗頭，同時亦取消訂閱佢嘅YouTube Channel及Patreon了😔