我用交友App最主要嘅用途都係八卦一下附近有啲咩人喺度，不過我最終都唔可以係呢啲交友App上面搵到真正既朋友，可能因為各有各既目的啦，所以一開始動機不良既情況之下好難有一個好既結果掛！😅

我今日特登去Delete果啲我仲記得既帳號，因為我覺得我唔想再去八卦附近有啲咩人喺度啦，而且我真係好多嘢要做，亦都有好多嘢要玩，我唔想再係交友App上面同三唔識七既人吹水！

Line上面我都add過一啲人，果啲一段時間都無聯絡嘅人我既都會remove左佢，所以呢啲人send message俾我都唔會再收到🤣✌🏼！反正現實生活都唔會見面既人都冇乜必要保持聯絡啦！

唔知點解我今日有一種好強烈既想法，與其浪費時間係一啲君子之交淡如水嘅人身上，倒不如將自己寶貴嘅時間放喺珍惜自己嘅人同動物身上！所以我特登去剷除交友帳號同一啲無聯絡既Line友，等自己有種破釜沉舟既態度去遠離交友app🐻👍🏻