今日有位朋友把一張照片寄比我，問我知唔知相中人係邊個，我答佢我好少認識這種裝扮嘅女性，因為佢個樣好似一位師奶但又把頭髮染成好怪嘅顏色，肥又唔似肥，腫又唔係腫，要知道肥都可以肥得可愛嗎！總之就係整色整水冇果樣整果樣咁，好鬼標其立二！

後來朋友同我講其實相中是一位我們都認識嘅女友，這女友是我們一位朋友既太太（疑似），因為我哋都冇乜點聯絡，我完全唔知佢嘅近況，雖然沒有在Facebook unfriend佢地，但我早就沒有follow佢地，所以係完全沒有睇過佢地既資訊。

最奇特嘅係我哋一路以來所認知嘅呢位女友嘅樣子同呢張相係完全兩個人，經過一番討論之後我哋有咗個結論，佢一直以來都係用濾鏡來喬裝，所以係我哋完全沒有見過真人嘅情況之下，根本完全唔知佢真人既樣子。只好慨嘆濾鏡嘅偉大以及濾鏡所帶來的虛假世界！🤣🤣🤣

最好笑，係我把相片給媽媽看（因為媽媽都認識佢地），媽媽第一句就係話肥腫難分，就算早前用咗濾鏡都覺得佢醜樣，呢張相更加核突！真係笑死我！🤣🤣🤣