幾日前與一位男友在Starbucks敘敘傾吓計，當時身邊周圍既人說話都好不大聲，所以我怎樣避開都避免唔到佢哋嘅說話傳入我嘅耳朵。佢地交談嘅內容不外乎都係講自己學歷有幾高，工作有幾成功，搵到幾多錢，總之就係高人一等喔！我真心希望這種人不是香港既主流大眾，如果一個地方大部分人都係充斥着這種思想的話，那真是非常可悲喔🥺！

富有帶不走，成就也不可能只靠一個人既努力就可以成事，在我來講富有及成就也都只是人生經歷嘅其中一環，人越大我反而覺得有得幾個男友女友可以同自己咩都講得，有隻狗總會等你返屋企，有位媽媽總是嘮嘮叨叨擔心你所有事情，其實已經好幸福！

為了要所謂既住好啲，食好啲，着好啲，可以成日去旅行，可以早點退休，對我來講真係好無謂！至於成就其實自己努力左夠充實就已經足夠，成敗得失唔單只係個人嘅努力更加要天時地利人和，所以真係冇必要強求，也沒有需要炫耀呢！

比自己富有，成就更高既人多的是，但有些人總是把自己睇得太大，正正因為咁其實失去既更多，有時我都會諗如果返英國住，環境會比現在自在及舒適，生活比依家更加富裕，但這樣我就不可能每天都見到媽媽少少事都大笑，睇電視過份投入而眼濕濕或咬牙切齒嘅樣貌，更不可能見度爸爸時常少少事就黑面，正正好好提醒自己，說話不要太過份及珍惜眼前人呢😅。