近期認識左一位朋友，他同好幾個我返到來香港才認識既香港人一樣，有一種好多香港人身上才出現的特質，就係用最少嘅時間同金錢獲得最大嘅利益。他想拉好大提琴但會因為去旅行而沒有時間練琴，同時間覺得付出更多金錢學琴亦都唔會有任何分別，最終佢選擇相信自己，用自己既方法去學琴，自我制定學習既範圍，當有問題出現既時候就請教老師。我好清楚這樣學琴好難有進步，但我真係唔識點樣解釋得佢明白。其實人與人之間的關係又好，學琴讀書又好，這種需要親身體驗既事情，是非常之需要時間，時間唔夠金錢是可以幫補少少。就好似拍拖一樣，要是我好忙碌，沒有足夠既時間可以陪伴對方，我倒會用金錢買東西使對方開心而彌補少少，當然金錢跟本唔可以與時間相比罷。

但如果我時間又唔付出金錢心思亦都欠奉，就算對方幾喜歡自己都唔可能選擇同我一齊罷！可能係香港既文化亦都可能因為工作嘅關係，好多人都在不知不覺間對人對事都抱著這種以付出最少時間與金錢既心思去做人，當事情發展不似預期就怨天怨地，及羨慕別人，又或者不斷地後悔！何必呢？