今日因爲媽媽要出席喪禮，所以我自己外出吃飯，外出既時候失去了一樣對我好有紀念價值既一件物件，不過我沒有想像中既唔開心，我聽著Holst既Jupiter，一邊係到諗其實好多物質上既野，價值不是重要既東西，重要既係送既人是否真心真意，還是求其送禮。就算係唔見左件野，那份心意依然會留喺心裏面。好像買野俾媽咪咁，我好少會特登過時過節去買，返而係日常生活裡面知道對方想要什麼我就會去買，其實對我爸爸都係一樣，可惜唔係個個都會受。

今晚我和媽媽講起喪禮之後嘅感受，講起一個由細到大媽媽都好親既人，佢為了錢不自覺地變了很多，今晚嘅喪禮佢都有出席，但我媽媽與她已經沒有了從前既關係，感覺冷漠。我都明白那種感受，因為我都有類似既經歷，明明問題不在自己身上，但對方好像永遠都唔會知道自己對別人都做成了多大既傷害，又或者跟本唔想面對，可能係怕要補償掛。人生在世生命完結之前每一秒其實都係修補關係既機會，但人往往都係比自己好多藉口，其實就是不用心，相信我媽媽所愛護既這友人一定會後悔。

人既死亡率係100%，究竟你生存為既是什麼呢？