人與人之間關係是非常之深奧嘅學問🤔，縱使你付出幾多都好，對方唔一定會受落. 今個星期有一位由細玩到大既朋友亦面對相同既問題，我知道就算我點樣叫佢睇開啲都好啦，始終都係會唔開心😔。現實就係好多人都是咁，就算你肯付出幾多佢都未必會受落，但當失去嘅時候就後悔，可惜既係這種人就算後悔都未必會盡自己嘅努力去挽救，可能每個人都唔想面對自己嘅失敗啦，這些人總會有佢自己嘅原因既🙄。但其實要珍惜坦誠同真摯嘅關係，正正就需要面對自己嘅失敗才可以罷🤗。對於這種自欺欺人既傢伙，就算佢講到幾珍惜同我之間既關係都好啦，跟本就係廢話👿。早前因爲太多煩人電話，而更改電話號碼既我，正正認清楚好多人口中講得好漂亮，但實質大家只係君子之交淡如水。當然亦有少數係真朋友，聯絡我唔到既時候，就不停email給我，見我冇回覆都繼續email我，但因為我從新install部mac既時候不小心使到好多email都被當成junk mail. 過了一排才發覺,那些只email過我一兩次既傢伙，我真的沒有再聯絡，我只有回信給某幾位差不多每星期都keep住email我既朋友，亦因爲這件事使我認清那些是真朋友，那些是可有可無既傢伙，可笑既係唔一定識得耐既就是真正關心你既真朋友喔。有段時間我都幾唔開心，不過都要面對，並且寬恕，因為你唔會知道這些傢伙會唔會有醒既一日，並學懂珍惜. 所以我希望我這位唔開心既朋友，可以真正明白你付出唔代表對方一定受落，亦唔需要為這種唔珍惜你既人而悲傷，做了自己可以做既，不要後悔就可以了！👍🏻