因為工作時間既關係，我唔可以在同一個班裡面學習大提琴，剛好媽咪與鄰居交談既時候講述我既情況並介紹新老師給我，當我從大阪回港之後就聯絡老師，今日第一次上新老師既堂她說話爽直沒有架子，亦好肯教學生。可能考取五級之後我自已既進度比較慢啦，畢竟六級既F Major同F minor scale都拉左九個月呢，不進則退連我自己都覺得拉scale都變得好似拉牛上樹一樣。新老師就好似中醫師一樣幫我把脈(觀察我拉琴)，之後執藥(吩咐我怎樣練習)。她正正把我一直都覺得有問題既地方指出，例如怎樣才可有效地練習分弓，拉C弦與A弦時既發聲問題，以及左手第四手指點解成日都咁累同無力。我腦袋特然好似清爽左好多一樣，急不及待返屋企練琴。