早前搭東鐵既時候,遇見三位太太正在高談闊論自己既孩子,太太甲好驕傲咁講:『我兩個兒子都唔係香港啊,佢地都去左英國讀書.』跟著太太乙就話:『唔經唔覺你兩個仔都咁大啦？！好快大學畢業啦!』接著太太丙就搭嘴說著:『唔係啵上一次我見到你個細仔好似仲讀緊小學炸啵.』 當時列車剛剛離開漆黑的隧道而同時間一道柱光投射到太太甲既身上,坐在太太甲對面既我好強烈地感受到太太甲既氣場,就好似香港小姐係台上得到冠軍之後既那份自信.憑着這份自信太太甲回應:『係啊！我兩個仔都係讀緊初中同高中之嗎！不過學費都唔平嫁,佢地一年既學費都夠俾首期買間樓啦,呵呵！』正當太太甲好似期待得到三眼仔式既Ooooo既同時太太丙就問:『咁你個大仔諗住大學讀咩科？』就係呢一句說話,太太甲既氣場消失了,由香港小姐冠軍瞬間變成落選既香港小姐.太太甲帶著尷尬既口吻說:『佢話讀大學冇用,所以唔會讀大學,讀完中學返香港做野！』見到O咀既太太丙,太太乙就打完場式地說:『係啊讀大學邊有用,我LIKE你個仔！』就係呢個時候,列車亦都駛入陰暗嘅環境到達沙田站,太太甲亦下車了,就係列車門關上嘅一刻,太太乙對著太太丙說:『俾我個仔讀唔成書我就唔敢同人講啦,真羞家！』

聽到一番咁既對話另我反思其實Facebook既LIKE,係咪就象這個對話既放大版呢？在沒有facebook既時候去McDonald’s 食野應該唔會有太多人同你講:『我喜歡你去Mcdonslds食野啊！』但今時今日好多人要做到所謂既呃Like為咩呢？