近年我越來越少出席親戚之間既聚會，唔係因為覺得無聊或者投契與否。而係每次參加這種聚會之後我都會感覺到相同既問題。就好似近期既一個婚嫁事宜,我亦沒有出席,原因係我好討厭帶著面具去應酬。

仲記得當年我剛要離開香港回到英國讀書既時候，親戚A曾對我講，說爸爸唔生性要玩車難為了媽咪同我，又沒有盡丈夫同父親嘅責任，跟著又向我媽咪訓話，罵媽咪唔懂得做人媽媽，唔應該當兒子要回去英國讀書就讓佢去，更特登電聯我爸爸，說媽媽唔應該遷就兒子，更揚言佢絕對唔會讓自己既兒子到英國留學.。最終媽咪沒有理會讓我回到英國升學,而根據媽咪所講，親戚A從那時開始同佢疏遠了。最可笑既係親戚A曾經話絕對唔會讓自己兒子到英國讀書那一席話，係幾年之後自打咀巴，當然佢會當自己沒有說過一樣啦！

當我到英國留學及生活期間，我從來未收過由親戚既任何通訊或問候，就算放假返到來香港都唔會有任何聚餐，亦因為親戚A對我屋企各人所講既說話，使我大學畢業前屋企各人既關係都差到一個點！由其記得有次媽咪同爸爸到中環離境大樓送我機那一日既情景我永遠都唔會忘記，媽媽送我上機場快線既時候就好似受盡所有人(包括自己丈夫)指責一樣既眼神叮囑我要努力讀書，而爸爸用厭惡既眼神離遠望著在閘前既媽媽與我，真的非常深刻！

其實我沒有怪責親戚們，因為父母怎樣選擇對自己既兒子，總是有自己既自由罷！但既然大家都疏遠左咁多年，就算表面上笑面迎人，其實大家都只係帶著面具做人，可必做人做到咁假呢？表面上媽媽與親戚A既關係好似無事發生過一樣，心底其實從未忘記當年既感受，但我真的覺得這一廂情願嘅想法，只係折磨自己！可必呢？