每個人對朋友既定義都唔一樣,前陣子同一位長輩同枱吃飯，席間長輩表示人年紀越大越難有真朋友。我沉默左一段時間，慢慢細味呢一句說話嘅道理，我覺得可能係人年紀越大經歷越多就越唔敢隨便同人交心！

就好似我咁自己都有個小時候就認識既朋友,我諗如果一直都沒有利害關係可能而家都仲係朋友,直至年前朋友既另一半提出一個雙贏既工作機會給我之後我與朋友十多年既朋友關係就係朋友對我講可能朋友既關係是有時限之下而結束.

自此之後我對所為雙贏抱著一個唔太好既感覺,如果每件事都要雙贏的話,試想想如果朋友唔開心找你訴苦,我是否應該隨便敷衍一下便算,因為我沒有得著呢.可能朋友嘅定義對我來講係唔應該計較得失罷.如果每件事都要雙贏,我諗應該稱為生意夥伴喔！

另一種所謂既朋友就係成日同你講佢想同你怎樣怎樣，但其實得過講字。好多時會係一個未完既對答之後失蹤一段時間，但無啦啦又突然給你一個信息，這種朋友係最討厭！😒

經歷過這類朋友關係之後我好少主動去約見好耐冇見嘅舊朋友或親戚。反而專注係工作與拉大提琴上面。