玩電玩遊戲唔啱心水嘅時總係可以刪除再重新開始,但人生就唔會有咁樣嘅設定.唔似得電玩遊戲,人嘅一生有着唔同嘅關係複雜好多.唔係只要你肯付出就有應得嘅回報.

縱使我為身邊既人捨棄自己既前途,身邊既人都唔會覺得欣慰.我學懂唔去期望得到別人珍惜.每個人總會有自己既想法,而我只可以做自己可以做到既事情,保持自己既原則.

人總是有些時候會軟弱落嚟,而我有時會幻想可以刪除自己呢一個角色再重新開始.但回想一下就算俾我從新來過都好啦,我身邊既人對我既態度會改變嗎？喜歡對我單打既人，會唔再我既每事都單單打打而正正經經同我傾計嗎？會為我既前途考慮嗎？會以屋企人為先嗎？相信不大可能罷?!

所以我冇期望別人,只盡自己能力做到今生無悔.當然唔容易不過又唔係真係咁難喔.發生唔開心事情嘅控制權不在我手,但怎樣看待事情卻是我自己既一念之差.