一位認識好多年既好朋友，在好幾個月之前，提意我可以到佢地公司接受一個實習崗位。因為職位本身係唔需要，所以基本上我不會收取金錢，而且開始前所定立既工作時間並非長時間,係一份可以容許小弟做科硏工作既同時進行既一個實習。但到了實際工作既時候,工作既範圍越變越廣。由本來說好的幾小時候變成全日，由本來有人幫忙既情況變成獨自一人面對。其實對我來說都並非太大問題.重要既係認識多年既朋友，對你既態度開始改變，當我向佢提出工作範圍與工時同之前所定下既有出入之際，朋友用唔太友善既態度同我講，唔好再提之前既野，你而家一係做，一係唔做！大佬我唔係來收錢返工，咁我咪仲衰過做義工？！😤

跟著既幾日，同佢既對話之中更言之令小弟心寒，友人憶述自己多年前自己係個宮心計既人，只會討好有用既人仕，而唔會浪費時間係冇用既同事身上。再加上對工作地方裡雜工既評價更另小弟驚嚇，係佢心目中，雜工係一班沒出色既一群。當時我真的不寒而慄，因為我認識既佢是一個會同情小偷既善心人，但竟然會有咁重既階級觀念，以及鄙視低下階層既想法。

所以我明白佢真係非常疼惜小弟，因為對佢地來講要佢地用時間安排工作給我是何等之大既欣慰呢！我明白做事係要公私分明，不過並唔等同可以反口覆舌，仲要輸打贏要，去到呢一步跟本唔係朋友與否既問題，而係尊重與否既問題，難道因為你是老板所以就可以反口覆舌,輸打贏要？那還會有人尊重你嗎？

因為對佢地來講我真的不識合這個實習崗位，所以我這位認識好多年既朋友寄了一個非常可愛既短信給我內容係「豬豬，你返埋tomorrow就唔好返啦，稍後XXX會俾埋1月份嘅salary你吖，你全數收下便可。:)」

到最後我沒有收取對方一分錢，而因為工作要購買既及上堂既學費我都全數退還給朋友，雖然浪費了金錢同時間，但我卻上了非常寶貴既一課！睇人真係唔可以睇表面，甚至乎認識多年既朋友，去到工作既層面原來可以由平時既一個菩薩變成一個視雜工人如沒出色既人既老板，而且會把你同佢講既私人對話帶到工作上面。跟本說做事要公私分明只係佢用來掩飾自己既一個手段。

不過如果要咁樣做人至可以致富，我諗我真的與富冇緣，好彩既係我朋友那叫我返多一日工就唔好返既可愛短信，要不是那可愛既短信我一定還在那實習既崗位上面，久而久之近朱者赤近墨者黑，相信價值觀都會扭曲。雖然我唔認同這位朋友既生存理念，不過我真的感激佢為我所做，因為各人都有自己對生命既睇法呢！

而且體會到她對另一半既完全包容，黑講成白，白又可以講成黑，我都唔再須要為佢地既關係而擔心。我亦要係時候從新釐定自己既人生，好好行自己所想既道路。