因為左腳在地鐵車廂中被重創,所以在家休息中,亦因為咁有時間同位老朋友傾了一個長途電話,傾談中朋友叫我唔好要求咁高,應該搵番個伴侶，如果唔係好似今次咁樣傷左都冇人照顧，其實我覺得人越大,就會對各種事情都會有更深層次既觀點與角度.亦因為咁對生活上既要求，對朋友及家人既期望，對工作既執著以及伴侶既要求就更加高，正正因為可以自給自足，如果真係要搵一個我自己肯為對方無條件付出，而對方都會同自己一樣既終身伴侶，其實好難！

好耐之前睇過一套劉華與Sammi既電影叫龍鳳鬥,戲裡面Sammi與劉華離婚並認識新男友,新男友把自己最好的都給Sammi,不過Sammi依然掛念劉華,我覺得原因有兩個既,第一個係劉華把自己既所有都願意給予Sammi(時間同財富),而另一個就係合拍既性格.

所以要係70億人裡面要找到一個你我都冇條件為對方附出既人談可容易呢?更唔好話要有合拍既性格. 雖然好難,不過我想信要出現就會出現,所以朋友們唔需要為我擔心,謝謝關心!