五月廿一日第一堂上班制大提琴班,好耐都未上過類似既導修課.因為要提早取琴,所以我早左廿分鐘來到,可能天雨既關係,所以到左7點鐘出席既同學得連我在內都只得三位,因此亦未開始上課,我仲要因為太忙既關係連午飯都未食呢?!到左大慨7:10再多了一位同學報到,而office小姐及老師亦入到班房,經過Office小姐介紹老師以及講解上堂安排之後,當日最後既一位同學亦都登場!

老師一開始上課就問每一位同學為什麼學大提琴及音樂背景.其他人我就唔講啦,至於我自己十年都沒有認真再彈過琴.經過一輪交談之後,老師由最基本怎樣坐,開琴,放琴既位置都好小心地為我們講解,亦解釋給咋們知道基礎既重要性,例如沒有放好部琴就好難固定Fingerboard既位置從而影響音準!時間過得好快就已經8:00,下一班既同學亦都係門口等緊.我們第一堂沒有用書本,老師教既係好多基本既知識包括Bow Holding以及Bowing既動作,我都覺得係好重要.

雖然我不在狀態,因為明天要應付考試.不過今日既大提琴課達到左我預期既效果,另我腦袋可以完全抽離Bio Electronics以及Pattern Recognition既問題及數式.腦內拉緊既情況得到舒緩,的確好過飲咖啡.🤪👍🏼